وانا ماشى فى شط اسكندريه
والنسمة على وشى... رايحه وجايه
وانا ماشى... واحلامى منسيه
وضحكة احبابى... جوه
عينيه
وانا ماشى وزكرياتى
هى هى
والحب فى قلبى صاحى
بيدق يدق عليه
والصبحيه.. هنيه
وانا ماشى ... وانا ماشى
فى المغربية
والشمس ماشيه... بتشاور عليه
وانا ماشى لاحبابى
ورجليه مش مستنيه
كبرت ....كبرت
والماضى الجميل جوه عينيه
وانا ماشى
والبحر بيضحك ولون الميه
هى هى
وانا ماشى
والعمر راح منى فى ثانيه
وانا ماشى
وانا ماشى
والدنيا بتلف بيا
وانا ماشى ولحظات العمر
بتبعد
بتبعد
والدور عليه
مانا ماشى وانا ماشى
وضحك الحبايب جوه
عينيه
دمعتى ..دمعتى
نزلت منى....
دمعه
غاليه
ومش بايديه
وانا ماشى
ونا ماشى
وقلبى الجريح
جرحه..... كبير
مين .....يداويه
كفايه........ اسيه
والدنيا تاخدنى لفوق
وترمينى ..رايحه.. وجايه
وانا ماشى.... وانا ماشى
والدوا بعيد بعيد عليه
والدنيا بتلف بيه رايحه وجايه
والنسمه رايحه وجايه
وانا ماشى ...وانا ماشى
كلمات : مصطفى عبد اللطيف مصطفى احمد
ليست هناك تعليقات:
إرسال تعليق