بسمه وابتسامه لكل صباح جميل مشرق لكل عاشق اسكندرانى للبحر والسماء والهواء
شهامه ورجوله من الشباب لكل ضيف يحب الاسكندرية ويحتفظ على ماتبقى منها
لفحة شمس وسط الضهرية
لكل حبة رمل مبلوله بحنيه
لكل واحد عاشق ريحه اسكندرية
بسمه وابتسامه لحظه العصرية
بسمه وابتسامه ساعه المغربية
بسمه وابتسامه فى ليل الاسكندرية
لكل عاشق محب للاسكندرية
يارب
يارب يارب
ترجع لينا زى الاول
ونعشقها ليل ونهار
وساعه مغربيه وليل بنسمه هواء
مليان يود الاسكندرية
تفتح النفس تخليك تعيش
تعيش عيشه هنيه
اه
اه اه
الدمعه فرت منى
وفى لحظة صدق
مش لاقى كلام
اقول ايه تانى
وحشنى ليلها ونهارها
وحشنىى مايتها وترابها
وحشنى طفولتى فى بحرها
وحشنى شبابى
وحشنى ايامى وحشنى احلى لحظات العمر
جريت منى ومن اهلها
اخدها مننا
الطمع والجشع والحقد
اخدوا مننا جمالها وقالوا عليها عروسه
هو الماضى مستمر
سابولينا قبحها سابوا لينا عشقها
الحمد لله هى جوانا مهما قتلوها جوانا
هى فى قلوبنا ذكريات حلوها ومرها
لكن
الى متى القبح مستمر ليقتلوا فينا حبها
على فكره الكلام جاى لوحده
بدون اعداد ولاترتيب
هو الحب للاسكندرية بيطير
ولا راسخ جيل ورا جيل
الحب ليها موروث
والعشق ليها مدفون
مهما قتلوا فيها كل شىء
هى ستبقى وانتم ستبقوا ملعونين
لان عشقها لينا فى الدم والجروح
معلم علينا كلنا
احنا واحنا واحنا
الاسكندرانية شهامه ورجوله
والعشق من طبعنا
انتم وانتم وانتم
سنترككم للقدر ولن تفلحوا فى قتلها
لانها باقية وانتم زائلون
ياريت ترجع لينا زى ماهيه
تحياتى لكل محب للاسكندرىة
ليست هناك تعليقات:
إرسال تعليق